Son zəng

2014-2015-ci dərs  ilində  Şuşa rayon  ümumtəhsil  məktəblərinin  XI siniflərini  139  məzun  bitirir. Onlardan 108  nəfəri  ali və orta ixtisas  məktəblərinə   sənəd  vermişdir.
        Rayonun ümumtəhsil  məktəblərində ənənəvi  olaraq  “Son  zəng” tədbirləri  təntənəli  şəkildə  qeyd  olunmuşdur.  Tədbirlərin keçirilməsi  üçün  məktəb  kollektivləri  tərəfindən  böyük  hazırlıq  işləri  aparılmış, bilik  bayramını  yüksək  səvviyyədə , bütün  məzunların  və  iştirakçıların uzun  illər  ərzində yadında  qalan  bir əlamətdar  hadisəyə  çevrilməsi üçün  əllərindən  gələni  etmişlər.
     Keçirilən  tədbirlərdə  Şuşa  Rayon  İcra  Hakimiyyəti  başçısının  müavini , Təhsil Şöbəsinin  müdiri, məsul işçiləri  iştirak  etmişdilər.   Belə ki, Xankəndi  şəhər  4 nömrəli  tam orta məktəbdə  keçirilən tədbirdə  Rayon  İcra  Hakimiyyəti başçısının  müavini  Vüsalə  Fətəliyeva, Təhsil  Şöbəsinin  müdiri  Təvəkkül  Əliyev iştirak  edərək  məktəbi  bitirən məzunları təbrik etdilər, onlara  gələcək  həyatlarında  uğurlar , eyni zamanda  ali məktəbə qəbul  olmağı  arzuladılar. Müəllimlər, valideynlər  də  onbirinciləri  təbrik etdilər, məzunlar  və birincilər isə öz məharətlərini  göstərdilər.
    İl ərzində  keçirilən müsabiqələrdə  fəal  iştirak  edən şagirdlər  Fəxri Fərmanla  təltif olunmuşlar.  Həmin  Fəxri Fərmanlar   “Son zəng “tədbirində təhsil  şöbəsinin  məsul  işçiləri və məktəb rəhbərləri  tərəfindən  təntənəli  şəkildə  şagirdlərə  təqdim  olunmuşdur.
    Tədbirlər  məktəblilərin müsiqili –bədii çıxışları  ilə  davam etmişdir.