17 mart 2026-cı il tarixdə Şuşa Rayon İcra Hakimiyyətinin başçısı Bayram Səfərov Xəzər rayonu, Mərdəkan qəsəbəsi, “Raketa” sağlamlıq düşərgəsində məskunlaşmış Şuşa rayon sakinləri ilə növbəti səyyar qəbulunu keçirmişdir

17 mart 2026-cı il tarixdə Şuşa Rayon İcra Hakimiyyətinin başçısı Bayram Səfərov Xəzər rayonu, Mərdəkan qəsəbəsi, “Raketa” sağlamlıq düşərgəsində məskunlaşmış Şuşa rayon sakinləri ilə növbəti səyyar qəbulunu keçirmişdir. Səyyar görüşdə çıxış edən RİH başçısı Bayram Səfərov Prezident cənab İlham Əliyevin uzaqgörən daxili və xarici siyasəti nəticəsində ölkəmizin regionda və beynəlxalq aləmdə artan nüfuzu, Qarabağda və Şərqi Zəngəzurda aparılan genişmiqyaslı tikinti-quruculuq işləri haqqında danışmış, dövlət başçısının tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlərin tərkib hissəsi olduğunu qeyd edərək, dövlət və vətəndaş münasibətlərinin yüksələn xətlə inkişaf etdiyini bildirmişdir. RİH başçısı bildirmişdir ki, Azərbaycan Respublikasının Prezidenti cənab İlham Əliyevin tapşırığına əsasən yerlərdə keçirilən səyyar qəbulların əsas məqsədi əhali ilə daha sıx təmasda olmaqla insanların problemlərini bilavasitə dinləmək və operativ şəkildə həll etməkdir. Görüş zamanı rayon sakinləri işlə təmin olunma, Şuşaya qayıdış, mənzil ilə təmin olunma və onları narahat edən digər məsələlərlə bağlı suallarını səsləndirmiş, vətəndaşlar tərəfindən qaldırılan məsələlərin bəziləri yerindəcə həll edilmiş, digərlərinin həlli ilə problemlərinin həlli istiqamətində həyata keçirilən tədbirlərə, göstərilən diqqət və qayğıya görə dövlətimizin başçısına minnətdarlıqlarını bildirmişlər.