Şuşa Rayon İcra Hakimiyyəti tərəfindən rayon sakinləri “Qurban Bayramı” münasibəti ilə təbrik edilmişdir
Islam dünyasının ən müqəddəs bayramlarından sayılan Qurban bayramı bütün müsəlman ölkələrində təmtəraqla qeyd olunur. Azərbaycan müstəqillik əldə etdikdən sonra Milli Məclisin qəbul etdiyi 1992-ci il 27 oktyabr tarixli “Azərbaycan Respublikasının bayramları haqqında” Qanununa əsasən Qurban bayramı ölkəmizdə də dövlət səviyyəsində qeyd edilir.
Bu bayramın əsas mahiyyəti Allah yolunda kəsilmiş heyvanın ətini Allahın imkansız bəndələri ilə bölüşmək, onları sevindirmək və sevincinə şərik olmaqdır. Beləliklə, bu bayram ayının da əsasında, orucluqda olduğu kimi, xeyirxahlıq, paklıq və Allaha inam və sevgi durur.
Hər il oduğu kimi Şuşa Rayon İcra Hakimiyyəti tərəfindən rayon sakinləri “Qurban Bayramı” münasibəti ilə təbrik edilmiş və imkansız ailələrə qurban payı paylanmışdır.
Qurban Bayramınız Mübarək.
