Şuşa rayon sakinlərinin kompakt yaşayış yerlərində tibbi-profilaktik və dezinfeksiya işləri davam etdirilir.
Son günlərdə ölkə ərazisində koronavirus pandemiyası ilə bağlı mövcud vəziyyət və xəstəliyə yoluxanların sayında artım nəzərə alınaraq bütün ölkə ərazisində olduğu kimi Şuşa rayon sakinlərinin kompakt yaşayış yerlərində gündəlik tibbi-profilaktik və dezinfeksiyaedici tədbirləri intensiv şəkildə aparılır. Prosesin həyata keçrilməsində fasilə yaranmasın deyə, Şuşa Rayon Gigiyena və Epidemiologiya mərkəzi lazımı dərmanlarla təchiz olunub. Koronavirus (COVİD-19) infeksiyasının yarada biləcəyi təhlükənin qarşısının alınması məqsədi ilə davam etdirilən təxirəsalınmaz tədbirlər çərçivəsində Şuşa rayon sakinlərinin kompakt yaşayış yerlərində, Şuşa rayonunun idarə və müəssisələrinin binalarında,”Ramana -450” qəsəbəsi, “Qobu Park” şəhərciyində, binalardakı ümumi istifadə yerlərində, giriş blokları və pilləkən marşlarında, məişət tullantılarının atıldığı konteyner meydançalarında və digər yerlərdə tibbi-profilaktik və dezinfeksiyaedici tədbirlərinin davamlı aparılması təmin olunur.
