“Azərbaycan Respublikasının 2024-cü il dövlət büdcəsi haqqında” Azərbaycan Respublikasının 2023-cü il 5 dekabr tarixli 1028-VIQ nömrəli Qanununun tətbiqi ilə bağlı bir sıra məsələlərin müzakirəsi ilə bağlı müşavirə keçirilmişdir

05 yanvar 2024-cü il tarixdə Şuşa Rayon İcra Hakimiyyətinin başçısı yanında “Azərbaycan Respublikasının 2024-cü il dövlət büdcəsi haqqında” Azərbaycan Respublikasının 2023-cü il 5 dekabr tarixli 1028-VIQ nömrəli Qanununun tətbiqi ilə bağlı bir sıra məsələlər barədə Azərbaycan Respublikası Prezidentinin Sərəncamına əsasən, maliyyə intizamının gücləndirilməsi, israfçılığa, izafi xərclərə yol verilməməsi və büdcə vəsaitindən qənaətlə istifadə olunması istiqamətində tədbirlər görülməsi ilə əlaqədar müşavirə keçirilmişdir. Müşavirədə Rayon İcra Hakimiyyətinin başçısı Bayram Səfərov, İcra Hakimiyyətinin məsul işçiləri, inzibati ərazi dairəsi üzrə nümayəndələr, Şuşa Dövlət Aqrar İnkişaf Mərkəzinin direktoru Emin Bağırov, Şuşa Rayon Statistika İdarəsinin rəisi Anar Xəlilov, Şuşa Mərkəzi Rayon Xəstəxanasının Publik Hüquqi şəxsi, icraçı direktor Kəmalə Səfərova, Şuşa Rayon Maliyyə şöbəsinin müdiri Arif İbrahimov, Şuşa Rayon Mədəniyyət Evinin direktoru Rüstəm Əliyev, Qarabağ Regional Təhsil İdarəsinin Şuşa rayon sektorunun müdiri Rəsmiyyə Məmmədova, inzibati ərazi dairəsi üzrə nümayəndələr, onların müavinləri, mühasibləri iştirak etmişdir. Müşavirədə Azərbaycan Respublikası Prezidentinin 2023-cü il 5 iyun tarixli Sərəncamının və verilmiş digər tapşırıqların icra vəziyyəti ilə bağlı məsələlər müzakirə olunmuş, tapşırıqların vaxtında və keyfiyyətli icrası üçün müvafiq göstərişlər verilmişdir. “Büdcə sistemi haqqında” Azərbaycan Respublikasının Qanunundan və Azərbaycan Respublikası Nazirlər Kabinetinin 2004-cü il 24 may tarixli 75 nömrəli Qərarı ilə təsdiq edilmiş “Dövlət büdcəsinin tərtibi və icrası Qaydaları”ndan irəli gələn digər vəzifələri keyfiyyətlə və müəyyən olunmuş icra müddətlərində yerinə yetirilməsinin təmin olunması ilə bağlı göstərişlər verilmişdir.