Gənc sahibkarların və startapçıların inkişafı, onların bilik və bacarıqlarının formalaşdırılması məqsədilə mütəmadi olaraq tədbirlər keçirilir

16 dekabr 2024-cü il tarixdə Şuşa Rayon İcra Hakimiyyətində Prezident cənab İlham Əliyevin Fərmanı ilə təsdiqlənmiş “Azərbaycan Respublikası regionlarının 2019–2023-cü illərdə sosial-iqtisadi inkişafı Dövlət Proqramı”nın 7.1.36-cı bəndinin tələblərinə əsasən sahibkarların və startapçıların inkişafı, onların bilik və bacarıqlarının formalaşdırılması, ehtiyaclarının öyrənilməsi məqsədilə tədbir keçirilib. 
Tədbirdə çıxış edən RİHB-nın müavini-Sosial-iqtisadi inkişafın təhlili və proqnozlaşdırılma şöbəsinin müdir müavini Əmirxan Qarayev dövlət dəstəyi mexanizmləri, o cümlədən KOBİA tərəfindən göstərilən dəstək və xidmətlər barədə sahibkarlara ətraflı məlumatlar verib, onları həmin xidmətlərdən yararlanmağa çağırıb, “Startapın müəyyən olunması meyarları”na əsasən, “Startap” şəhadətnaməsi əldə edən hüquqi və ya fiziki şəxslərin Azərbaycan Respublikasının Vergi Məcəlləsində nəzərdə tutulan azadolmadan istifadə hüququnun qazanmasından, “Startap” şəhadətnaməsi aldıqları tarixdən mikro və ya kiçik sahibkarlıq subyekti olan hüquqi şəxslərin mənfəət vergisindən, fərdi sahibkar kimi fəaliyyət göstərən fiziki şəxslərin gəlir vergisindən – 3 il müddətinə azad edilməsini qeyd edib.
Tədbirdə Şuşa Rayon Gənclər və İdman idarəsinin rəisi Nadir Bayramov, sahibkarlar, həmçinin sahibkar olmaq istəyən gənclər çıxış edərək, mövzu ətrafında geniş müzakirələr aparıblar.
Sonra sahibkarlıq fəaliyyətinin genişləndirilməsi və inkişaf etdirilməsi ilə bağlı müzakirələr aparılıb, sahibkarların fikirləri dinlənilib, sualları cavablandırılıb, müraciətləri qeydə alınıb, tövsiyələr verilib və məlumatlandırıcı bukletlər paylanıb.