“Heydər Əliyev və Azərbaycan gəncliyi” mövzusunda videokonfrans keçirildi
07 may 2021-ci il tarixdə Xocavənd, Şuşa, Xocalı, Laçın, Qubadlı, Kəlbəcər, Zəngilan, Füzuli, Cəbrayıl və Ağdam rayonlarının gənclər və idman idarələrinin təşkilatçılığı ilə “Heydər Əliyev və Azərbaycan gəncliyi” mövzusunda videokonfrans keçirildi.
Azərbaycan xalqının Ümummilli lideri Heydər Əliyevin anadan olmasının 98-ci ildönümünü qeyd etmək, Azərbaycan dövlətini və millətini zamanın ən çətin sınaqlarından çıxarmış bu dahi şəxsiyyətin gənclərlə iş sahəsində həyata keçirdiyi böyük işlər barədə gənclərin məlumatlılığını daha da artırmaq, azərbaycançılıq məfkurəsini gənclər arasında geniş təbliğ etmək məqsədi ilə keçirilən videokonfransda Ümummilli liderin əziz xatirəsi anıldı, onun keçdiyi şərəfli həyat yolundan, müstəqil Azərbaycan dövlətinin hərtərəfli inkişafı, milli dövlətçilik ideyasının bərqərar olunması və ölkəmizin beynəlxalq aləmdə nüfuzunun artması naminə göstərdiyi əvəzsiz tarixi xidmətlərdən, gənclərlə iş sahəsində yürütdüyü siyasətdən bəhs edən çıxışlar səslənildi, mövzu ilə bağlı gənclərin fikirləri dinlənildi. Tədbirdə 116 nəfər iştirak etmişdir.
