Kənd təsərrüfatı məhsullarının istehsalı ilə məşğul olan sahibkarlar arasında ölkədə ekoloji təmiz kənd təsərrüfatı məhsullarının istehsalı və kənd təsərrüfatı məhsulları istehsalçılarının xarici bazarlara çıxış imkanlarının genişləndirilməsi ilə bağlı tədbir keçirilmişdir

15 fevral 2024-cü il tarixdə Şuşa Rayon İcra Hakimiyyətində kənd təsərrüfatı məhsullarının istehsalı ilə məşğul olan sahibkarlar arasında ölkədə ekoloji təmiz kənd təsərrüfatı məhsullarının istehsalı və kənd təsərrüfatı məhsulları istehsalçılarının xarici bazarlara çıxış imkanlarının genişləndirilməsi ilə bağlı mütəmadi olaraq maarifləndirici tədbir keçirilmişdir. Tədbirdə Rayon İcra Hakimiyyətinin başçısı Bayram Səfərov, İcra hakimiyyətinin məsul işçiləri, Rayon İcra Hakimiyyəti başçısının kənd inzibati ərazi dairəsi üzrə nümayəndələri, Şuşa Dövlət Aqrar İnkişaf Mərkəzinin direktoru Emin Bağırov, Şuşa Rayon Statistika İdarəsinin rəisi Anar Xəlilov, idarə, müəssisə rəhbərləri iştirak etmişdir. Tədbirdə “Azərbaycan Respublikası regionlarının 2019–2023-cü illərdə sosial-iqtisadi inkişafı Dövlət Proqramı”nın təsdiq edilməsi haqqında Azərbaycan Respublikası Prezidentinin Fərmanına əsasən Azərbaycan Respublikası regionlarının 2019–2023-cü illərdə sosial-iqtisadi inkişafı Dövlət Proqramının icra vəziyyəti, həyata keçirilən siyasətin əsas nəticələri, Dövlət Proqramının konseptual əsasları və regional inkişaf sahəsində beynəlxalq təcrübə, Dövlət Proqramının əsas məqsədi, vəzifələri və icrasının prioritet istiqamətləri, əldə olunmuş nəticələr müzakirə olunmuş, Regionlarda özəl investisiya fəallığının artırılması və investisiyaların cəlb edilməsi istiqamətində təşviq və dəstək, iri fermer təsərrüfatlarında tətbiq olunan mütərəqqi texnologiyaların və aqrotexniki qaydaların digər kənd təsərrüfatı məhsulları istehsalçıları arasında təbliği və istifadəsinin təşviqi, müxtəlif turizm növlərinin, o cümlədən kənd yaşıl turizmi, etno-turizm, eko-turizm, qış turizmi, trans-sərhəd turizmi və s. inkişafı istiqamətində müvafiq tədbirlərin görülməsi, Ağdam rayon inzibati ərazisində yerləşən Şuşa rayonuna məxsus “Mirzələr qış yatağı”nda, Kürdəmir rayonunda və respublikanın digər rayonlarında məskunlaşan kənd təsərrüfatı məhsullarının istehsalı ilə məşğul olan sahibkarlar arasında ölkədə ekoloji təmiz kənd təsərrüfatı məhsullarının istehsalı və kənd təsərrüfatı məhsulları istehsalçılarının xarici bazarlara çıxış imkanlarının genişləndirilməsi ilə bağlı maarifləndirici məlumatlar verilmişdir.