Sağlam və rasional qidalanma istiqamətində təşviqat işlərinin aparılması icrasının təmin edilməsi məqsədilə silsilə tədbirlər keçirilmişdir
“Azərbaycan Respublikasında qida təhlükəsizliyinin təmin edilməsinə dair 2019–2025-ci illər üçün Dövlət Proqramı”nın təsdiq edilməsi haqqında Azərbaycan Respublikasının Prezidenti cənab İlham Əliyevin Sərəncamına əsasən Sağlam və rasional qidalanma istiqamətində təşviqat işlərinin aparılması ilə əlaqədar olaraq Şuşa Rayon İcra Hakimiyyətinin təşkilatçılığı ilə silsilə tədbirlər keçirilmişdir.
Keçirilən tədbirlərin məqsədi mütəxəssislər tərəfindən məktəbli və onların valideynlərinə düzgün məsləhətlər vermək, sağlam həyat tərzini təşviq etməkdən ibarət olmuşdur.
Şagirdlərə bildirilmişdir ki, sağlamlığımızın qeydinə qalmağın böyük bir hissəsini qidalanma təşkil edir. Həmçinin, qeyri-düzgün qida rasionun qurulmasının bədənimizdə nə kimi fəsadlar törədə biləcəyi, hansı xəstəliklərə yol aça biləcəyi barədə, eyni zamanda, sağlam qidalanmanın insan bədəninə müsbət təsirləri, qidaların hansı vitamin və minerallarla daha zəngin olması haqqında şagirdlərə məlumatlar verilmişdir. “Uşaqlar bizim gələcəyimizdir. Onların sağlamlığına və tərbiyəsinə önəm verməliyik ki, ölkəmizin və dövlətimizin sabahı parlaq olsun”.
Sonda isə şagirdlərin və müəllimlərin fikirləri dinlənilmişdir.
