Sel və daşqın hadisələrindən mühafizə tədbirlərinin genişləndirilməsi ilə bağlı tədbir keçirilmişdir

04.10.2024-cü il tarixdə Şuşa Rayon İcra Hakimiyyətinin təşkilatçılığı ilə “Su ehtiyatlarından səmərəli istifadəyə dair Milli Strategiya”nın təsdiq edilməsi haqqında Azərbaycan Respublikası Prezidentinin Sərəncamına əsasən Sel və daşqın hadisələrindən mühafizə tədbirlərinin genişləndirilməsi ilə bağlı maarifləndirici tədbir keçirilmişdir. Tədbirdə Şuşa Rayon İcra Hakimiyyətinin məsul işçiləri, Dövlət Aqrar İnkişaf Mərkəzinin direktoru, kənd inzibati ərazi daiərsi üzrə nümayəndələr iştirak etmişdir. Tədbiri giriş sözü ilə açan Şuşa DAİM-in direktoru Emin Bağırov bildirilmişdir ki, ölkə ərazisində 60-dan artıq sel və daşqın təhlükəli çaylar mövcuddur. Sel və daşqınlar əsasən yaz-yay aylarına təsadüf edir. Ekologiya və Təbii Sərvətlər Nazirliyinin statistik məlumatlarına əsasən son 5 il ərzində ekstrimal hidrometeoroloji hadisələrin (sel, külək, dolu, yağışların və s.) sayında kəskin artım müşahidə olunur. Belə ki, 2019-cu ildə il ərzində 5, 2020-də 35, 2021-də 41, 2022-də 50, 2023-cü ildə isə 147 sel və daşqın olub. Bu il sadəcə aprel-iyun aylarında 59 dəfə sel və daşqınlar müşahidə edilib. Hər il olduğu kimi, bu ildə də çaylarda baş verə biləcək sel və daşqınların yaratdığı ziyanların minimuma endirilməsi üçün Azərbaycan Dövlət Su Ehtiyatları Agentliyi tərəfindən mühüm tədbirlər görülür. Şuşa rayon əhalisinin məskunlaşdığı rayonlarda Agentliyin yerli isitismar idarələri tərəfindən sel və daşqın hadisələrinin qarşısının alınması üçün bəndlərin hündürləşdirilməsi və möhkəmləndirilməsi üçün müvafiq qabaqlayıcı tədbirlər görülür. Bundan sonra da sel və daşqın hadisələrindən mühafizə tədbirlərinin görülməsi sahəsində lazımi işlərin görülməsi tədbir iştirakçılarının nəzərinə çatdırılmışdır.