Şuşa Rayon İcra Hakimiyyəti tərəfindən etik davranış qaydalarına əməl olunmasına nəzarətin təşkili ilə əlaqədar müşavirə keçirilmişdir
2020-ci il üzrə dövlət qurumları tərəfindən etik davranış məsələləri ilə bağlı aparılmış maarifləndirmə işləri, etik davranış qaydalarının pozulması halları və buna görə tətbiq edilmiş intizam tənbehi tədbirləri barədə illik hesabatların hazırlanması və bu barədə məlumatların açıqlanması istiqamətində görülmüş işlər barədə Şuşa Rayon İcra Hakimiyyətinin başçısı Bayram Səfərov videokonfrans formatında müşavirə keçirmişdir. Şuşa Rayon İcra Hakimiyyəti başçısı Bayram Səfərov çıxış edərək “Dövlət Qulluqçularının etik davranışı” qaydaları haqqında Azaərbaycan Respublikası Qanunun əsas məqsədlərindən, dövlət orqanlarının və dövlət qulluğunun nüfuzunun artırılmasından, vətəndaşların dövlət orqanlarına və dövlət qulluqçularına ehtimadının yüksəldilməsindən, dövlət orqanları və dövlət qulluqçularının fəaliyyətində səmərəliliyin və şəffaflığın artırılmasından eyni zamanda hər bir dövlət qulluqçusunun öz fəaliyyətində qanun aliliyini, insan hüquqlarını və yüksək etik davranış qaydalarınını rəhbər tutmalı olduğunu, eləcədə etik davranış qaydalarına və prinsiplərinə hər bir dövlət qulluqçusunun əməl etməsini vurğulamışdır.
Həmçinin tədbirdə "Açıq hökumətin təşviqinə dair 2020-2022-ci illər üçün Milli Fəaliyyət Planı" nın icrası ilə əlaqədar Dövlət qurumları tərəfindən etik davranış məsələləri ilə bağlı aparılmış maarifləndirmə işləri, etik davranış qaydalarının pozulması halları və buna görə tətbiq edilmiş intizam tənbehi tədbirləri barədə də müzakirələr aparılmışdır.
