Şuşa Rayon İcra Hakimiyyətinin başçısı Bayram Səfərovun növbəti səyyar qəbulu 17 oktyabr 2024-cü il tarixdə Bərdə rayonu, Şirvanlı kəndində yerləşən Şuşa rayon 19 nömrəli tam orta məktəbdə keçirildi
17 oktyabr 2024 | 17:48
Azərbaycan Respublikasının Prezidenti cənab İlham Əliyevin tapşırığına uyğun olaraq Şuşa Rayon İcra Hakimiyyətinin başçısı Bayram Səfərov tərəfindən mütəmadi olaraq respublikanın 58 rayonunda məskunlaşmış rayon sakinləri ilə səyar qəbulların keçirilməsi və belə görüşlər zamanı əhalini narahat edən problemlərin yerindəcə öyrənilməsi və operativ həll edilməsi əhali tərəfindən yüksək qiymətləndirilir. Vətəndaşların müraciətlərinin və mövcud problemlərinin həlli məqsədilə Rayon İcra Hakimiyyətinin başçısı Bayram Səfərovun növbəti səyyar qəbulu 17 oktyabr 2024-cü il tarixdə Bərdə rayonu, Şirvanlı kəndində yerləşən Şuşa rayon 19 nömrəli tam orta məktəbdə keçirildi. RİH başçısı Şuşa rayon sakinləri qarşısında çıxış edərək Azərbaycan Respublikasının Prezidenti cənab İlham Əliyevin rəhbərliyi altında işğaldan azad edilmiş doğma yurd yerlərimizdə, o cümlədən Şuşada aparılan tikinti-quruculuq-abadlıq işlərindən, əhalinin sosial durumunun yaxşılaşdırılması istiqamətində həyata keçirilən geniş həcmli sosial və infrastruktur layihələrindən, şəhid və qazi ailələrinə dövlət tərəfindən göstərilən diqqət və qayğıdan danışdı.
Səyyar qəbulda sakinlərin sosial müdafiə, mənzil-məişət şəraitinin yaxşılaşdırılması və digər məsələlərlə əlaqədar problemləri dinlənildi. Vətəndaşların müraciətlərində qaldırılan məsələlərin böyük bir qismi yerindəcə həll olundu, araşdırılmasına ehtiyac olan bir sıra məsələlərin isə qanunvericiliyə uyğun, operativ həlli üçün aidiyyəti qurumların rəhbərlərinə müvafiq tapşırıqlar verildi.
Keçidlər
