Şuşa Rayon İcra Hakimiyyətinin təşkilatçılığı ilə Rəşid Behbudov Adına Dövlət Mahnı Teatrında “Şuşa ili”nə həsr edilmiş “Zəfər Dolu Azərbaycan” adlı konsert proqramı təqdim edilmişdir

Azərbaycan Respublikasının Prezidenti cənab İlham Əliyevin 5 yanvar  2022 –ci il tarixli sərəncamına əsasən 2022 –ci ilin   “Şuşa ili” elan edilməsi ilə bağlı  respublikanın bütün rayonlarında Mədəniyyət Paytaxtımız Şuşanın tarixi, görkəmli şəxsiyyətləri, mədəniyyət və incəsənət nümunələrini özündə əks etdirən    silsilə  tədbirlər, konsert proqramları, dəyirmi masalar, konfrans və seminarlar  keçirilməkdədir. Növbəti tədbirlərdən biri  Şuşa Rayon İcra Hakimiyyətinin təşkilatçılığı ilə  Rəşid Behbudov Adına Dövlət Mahnı Teatrında “Şuşa ili”nə həsr edilmiş  “Zəfər Dolu Azərbaycan” adlı konsertin təşkili olmuşdur. Şuşa Rayon İcra Hakimiyyətinin başçısı Bayram Səfərov tədbirdə çıxış edərək    44 günlük Vətən müharibəsində Müzəffər Ali Baş Komandan, Azərbaycan Respublikasının  Xilaskar Prezidenti  cənab İlham Əliyevin  rəhbərliyi, Milli ordumuzun rəşadəti, qəhrəman vətən övladlarının qanı bahasına düşmən işğalından azad edilmiş Şuşamızın yenidən dirçəlişinə şahidlik etməyin  hər bir azərbaycanlı üçün nə qədər qürurverici olduğunu bildirdi. Şuşada  tədbirlərin keçirilməsi, bərpa-quruculuq işlərinin aparılmasına, azərbaycan tarixinə, mədəniyyətinə göstərdiyi diqqətə görə   Prezident cənab İlham  Əliyevə dərin  minnətdarlığını bildirən  Bayram Səfərov “Şuşa ili” münasibətilə bütün azərbaycan xalqını təbrik etdi. Konsertdə Azərbaycan Respublikasının əməkdar incəsənət xadimi Əlibala Rzayevin bədii rəhbəri və dirijoru olduğu Azərbaycan Dövlət Nəfəs Alətləri Orkestrinin müşaiəti ilə Xalq artisti  Samir Cəfərov, Respublika Müsabiqələri laureatı Orxan Mövlan, Muğam telviziya   müsabiqəsinin laureatı –xanəndə  Günay İmamverdiyeva  vətənpərvərlik ruhunda  gözəl musiqi nümunələri ifa etdi. Azərbaycan Respublikasının əməkdar  artisti Teymur Məmmədov zəfər dolu şerlər səsləndirdi.