Uşaqların maraqlarına toxunan məsələlərdə onların iştirakının təmin edilməsi sahəsində fəaliyyətin gücləndirilməsi və bu istiqamətdə yeni platformalar yaradılması məqsədilə tədbir keçirilmişdir
“Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı”nın təsdiq edilməsi haqqında Azərbaycan Respublikasının Prezidenti cənab İlham Əliyevin Sərəncamına əsasən Uşaqların maraqlarına toxunan məsələlərdə onların iştirakının təmin edilməsi sahəsində fəaliyyətin gücləndirilməsi və bu istiqamətdə yeni platformalar yaradılması məqsədilə Şuşa Rayon İcra Hakimiyyəti və Qarabağ Regional Təhsil İdarəsinin Şuşa rayon sektorunun birgə təşkilatçılığı ilə “Uşaqların maraqları və onların istəklərinin təmin olunması” mövzusunda maarifləndirici tədbir keçirilib. Tədbirlərdə Rayon İcra Hakimiyyətinin, Şuşa rayon təhsil sektorunun məsul işçiləri, Şuşa Rayon Polis şöbəsinin əməkdaşları, Uşaq Səfirlər Məclisinin Şuşa rayon nümayəndələri, məktəbin pedaqoji kollektivi, valideynlər və şagirdlər iştirak ediblər. Tədbirlərin keçirilməsində məqsəd uşaqlara diqqətin artırılması, uşaq hüquqlarının, təhsilinin və sağlamlıqlarının qorunmasının, onların istedadlarının üzə çıxarılması, intellektual və mənəvi inkişafının təmin edilməsidir.
Keçirilən tədbirlərdə müxtəlif layihələrlə uşaqların maraqlarına toxunan məsələlər qabardılmış, bu istiqamətdə fəaliyyətin gücləndirilməsi üçün müzakirələr aparılmışdır. Şuşa Rayon Polis şöbəsinin Qeydiyyat və Şəxsiyyət Vəsiqəsi Qrupunun baş inspektoru Şöhrət Abbasov bildirmişdir ki, uşaqlara qarşı zorakılıq fiziki, emosional, cinsi və ya mənəvi olaraq uşağın hüquqlarını pozan, onun sağlamlığına, təhlükəsizliyinə və inkişafına zərər verən hər hansı bir hərəkət və ya hərəkətsizlikdir. Zorakılıq həm ailə daxilində, həm də ətrafdakı yoldaşları tərəfindən baş verə bilər. Uşağı döymək, vurmaq, itələmək və ya başqa şəkildə fiziki xəsarət yetirmək, ağırlıq qaldırmağa və ya təklükəli işlərə məcbur etmək bunlar fiziki zorakılığın əlamətləridir. Alçaltmaq, təhqir etmək, qorxutmaq, uşağın emosional ehtiyaclarını görməzdən gəlmək isə bunlar emosional zorakılıq sayılır. Valideyn və ya baxıcının psixoloji problemləri, maddi çətinliklər və ya sosial problemləri, cəmiyyətdə zorakılığın qəbul edilməsi halları və maarifsizlik, tərbiyə üsullarındakı səhvlər irəli gələn problemlərdən biridir. Depressiya, narahatlıq, travma və özünəinamın aşağı olması inkişafın ləngiməsi, tənhalıq, ünsiyyət çətinlikləri, zorakı davranışlara meyillilik sosialın, məktəbə marağın azalması, zəif akademik nəticələr zorakılığın təsirləridir. Bütün bunların qarşısının alınması məqsədi ilə maarifləndirmə yolu ilə valideynləri və cəmiyyəti uşaqların hüquqları haqqında məlumatlandırılmasına, sosial xidmətlər yolu ilə zərərçəkmiş uşaqlar üçün dəstək proqramlarının təşkil edilməsinə, hüquqi tədbirlər üçün zorakılıq edənlərə qarşı cəzaların tətbiq olunması, psixoloji dəstək üçün isə həm uşaqlar, həm də zorakılıq edənlər üçün terapiya və reabilitasiyasına köməkliklər göstərilməlidir.
