İctimai Şura
Sərəncamlar
AZƏRBAYCAN RESPUBLİKASI
Şuşa Rayon İcra Hakimiyyəti başçısının
S Ə R Ə N C A M I
№ 10 yanvar 2023-cü il
Şuşa RİH yanında İctimai Şuraya
seçkinin təşkili məqsədi ilə komissiyanın tərkibinin
dəyişdirilməsi haqqında
“İctimai iştirakçılıq haqqında” Azərbaycan Respublikasının Qanununun icrasının təmin edilməsi məqsədi ilə Azərbaycan Respublikası Nazirlər Kabinetinin 2014-cü il 30 may tarixli 171 nömrəli qərarı ilə təsdiq edilmiş “İctimai şuranın vətəndaş cəmiyyəti institutları tərəfindən seçilməsinə dair Əsasnamə”nin 2.3-cü və “Yerli icra hakimiyyətləri haqqında Əsasnamə”nin 6.8-ci bəndlərini rəhbər tutaraq Qərara alıram:
- Rayon icra hakimiyyəti yanında İctimai şuraya seçkinin təşkili məqsədi ilə RİH Başçısının 20 aprel 2021-ci il tarixli 33 nömrəli Sərəncamına dəyişiklik edilməklə, 9 nəfərdən ibarət (rayon icra hakimiyyətinin əməkdaşlarından 4 üzv, vətəndaş cəmiyyəti institutu nümayəndələrindən isə 5 üzv) olmaqla aşağıdakı tərkibdə seçki komissiyası təşkil edilsin:
Komissiyanın sədri:
- Vüsalə Fətəliyeva - Şuşa Rayon İcra Hakimiyyəti başçısının
müavini, İctimai-siyasi və humanitar məsələlər
şöbəsinin müdiri
Komissiyanın üzvləri:
- Qalib Kazımov - RİH başçısı aparatında Ərazi idarəetmə və
yerli özünüidarəetmə orqanları ilə iş
şöbəsinin müdiri
- Ülvi Heydərov - RİH başçısı Aparatının Sənədlərlə və
vətəndaşların müraciətləri ilə iş
şöbəsinin müdiri
- Elxan Ələkbərov - Qarabağ müharibəsi əlilləri və şəhid ailələri ilə
iş şöbəsinin müdiri
- Rəsmiyyə Məmmədova - Qarabağ Regional Təhsil İdarəsinin Şuşa rayon
sektorunun müdiri vəzifəsini müvəqqəti icra edən
- Kəmalə Səfərova - Şuşa Rayon Mərkəzi Xəstəxanası, pulblic hüquqi şəxsi, direktor
- Naimə Əliyeva - Şuşa şəhər 6 saylı tam orta məktəbin direktoru
- Nadir Bayramov - Şuşa rayon Gənclər və İdman İdarəsinin rəisi
- Gülsarə Abbasova - Şuşa Mərkəzləşmiş Kitabxana Sisteminin direktoru
- Seçki Komissiyası;
-Rayon icra hakimiyyətinin fəaliyyət istiqamətlərinin genişliyini və iş həcmini nəzərə almaqla ictimai şura üzvlərinin say həddini müəyyən etsin.
-Rayon İcra Hakimiyyətinin rəsmi internet səhifəsindən (www.shusha-ih.gov.az), “Şuşa” qəzetindən və mövcud olan digər vasitələrdən istifadə etməklə İctimai Şuraya seçkilərin təşkili ilə əlaqədar olaraq namizədlərin irəli sürülməsi, qeydiyyatının başlanması və başa çatması vaxtını elan etsin.
-Şuşa Rayon İcra Hakimiyyəti yanında İctimai şuraya namizədlərin irəli sürülməsi və qeydiyyatını 24 iş günü müddətinə başa çatdırsın.
-Seçkilərin “İctimai şuranın vətəndaş cəmiyyəti institutları tərəfindən seçilməsinə dair Əsasnamə”nin tələblərinə uyğun olaraq həyata keçirilməsini təmin etsin.
- Rayon İcra Hakimiyyəti başçısı Aparatının Sənədlərlə və vətəndaşların müraciətləri ilə iş şöbəsinin müdiri Ülvi Heydərova tapşırılsın ki, aidiyyəti şəxsləri Sərəncamla tanış etsin.
- Sərəncamın icrasına nəzarət RİH başçısının İctimai Şuraya seçkilərin təşkili ilə bağlı məsul şəxs təyin olunmuş –Vüsalə Fətəliyevaya tapşırılsın.
Şuşa Rayon İcra
Hakimiyyətinin başçısı: Bayram Səfərov